Jan Erik Kofoed frå Bibsys innleia med bakgrunnsinformasjon om prosjektet, som i fjor fekk innvilga 400 000 kroner frå ABM-utvikling. Prosjektet har hatt ein trang fødsel, og ambisjonane er følgjeleg moderert til å integrere minst ei Bibsys-teneste i Fronter.
Alexander Pettersen frå Fronter presenterte tankane verksemda deira har om søketenester. Dei har utvikla eit klyngesøk via SRW som gjer at du kan søke direkte i læringsobjekt frå forlag og mediebedrifter via Fronter. Ut frå presentasjonen kunne det synest som om Fronter har planar om å lage si eiga digitale skrivestue basert på pay-per-view. Ein ny bibliotekkonkurrent? Tore Hoel skreiv i oktober i fjor eit godt innlegg om kampen om læringsmarknaden for tida - Standardenes plass i krigen om markedet for digitale læremidler.
Og nettopp opne e-læringsstandarder er noko av det som interesserer meg mest for tida. Ved UBA er vi opptekne av tre Bibsys-funksjonar i Fronter:
- Eit eige BIBSYS-verkty
- Bibsys-søkeboksar/menyar
- Infrastruktur for tilrettelegging av "faste søk"/tilleggslitteratur - helst på emnenivå frå bibliografiske databasar
Alle verktya må vere enkle å tilpasse til lokale tilhøve og andre læringsplattformer enn Fronter. Desse funksjonane presenterte eg med utgangspunkt i skissene til Ellen, som tek utgangspunkt i den eksisterande "Min side" i Bibsys. Sentrale problemfelt vil vere sams pålogging (FEIDE, SSO, autentisering (Shibboleth/OpenID)) og standarder som RSS/OPML.
Ny partner i prosjektet frå og med 2008 er Universitetsbiblioteket i Tromsø. Tone Mikkelsen presenterte bruken av Fronter ved UiT. I Tromsø vert læringsplattforma aktivt utnytta til bibliotekundervising.
Arrangementet vert også omtalt av John Didriksen på UBIS-bloggen.
Jørn
Ingen kommentarer:
Legg inn en kommentar